Euskal Kultur Erakundeak eta Azkue Fundazioak Irudimena lehiaketaren hirugarren edizioa antolatu dute lankidetzan. Aurreko bi edizioetan partaideek argazki batzuetan oinarritu behar zituzten euren testuak; aurten, berriz, antolatzaileek proposaturiko soinu bat izango dute ardatz.
Soinuok eskuragarri daude soinumapa.net webgunean, eta hortik abiatuta, partaideek hiru aukera izango dituzte: soinu berri bat sortzea (musika, kantua, zarata, nahasketa…); euskarazko testu bat ontzea (poesia, narrazioa, bertsoak…); eta, azkenik, irudi berri bat egitea (argazkia, marrazkia, margolana…). Lehiaketa abian da maiatzaren 15a bitarte.
Soinuek gehienez hiru minutu iraungo dute eta .mp3 formatuan aurkeztu beharko dira; testuak, berriz, gutxienez 750 karaktere eta gehienez 2.500, eta formatua numerikoa izango da (testua, word, PDF, Open Office…); amaitzeko, irudiek 600×600 pixeleko neurria izango dute, eta formatua hemen ere numerikoa izango da, alegia, .jpg, .gif, .tiff, .psd, eta abar.
Parte-hartzaileak bere sorkuntza helaraziko die antolatzaileei www.irudimena.com web orrian dagoen inprimakiaren bidez edo mezu bat bidaliz info@irudimena.com helbidera.
Sariei dagokienez, atal bakoitzean (soinu, testu eta irudia) hiru sari izango dira: lehenengoak 300 euroko erosketa bonoa jasoko du kultur dena batean gastatzeko; bigarrenak, 200 eurokoa, eta hirugarrenak 100 eurokoa.
Lehiaketarekin loturiko xehetasun guztiak eke.org webgunean jasoak daude.
