Korrontzi musika tradizionalaren taldeak datorren abenduaren 29an bere proiektu berria eramango du Bilbora: Korrontzi Benefic. Berarekin batera hamabost dantza taldek parte hartuko dute.
Oraingo honetan, Korrontzi Benefic proiektu berria aurkezten du Korrontzik. Ongintzazko proiektua izango da bi GKE-en (TDH-Gizakien Lurra eta Aitzina-Aefat) umeei laguntzeko asmoz egina.
Hortaz, Korrontzi musikaz eta dantzaz beteriko ikusgarri bat eskainiko du eta koreografia bereziak ere eskainiko dira Jon Maya, Edu Muruamendiaraz, Igor Yebra, Izaskun Iturri, Eneko Gil edota Oinkari dantza taldeak sortuak.
Proiektua, “Durangoko Azokan lehenengoz salgai egon den lan berri batekin eta abendu bukaeran eskainiko ditugun hiru kontzertu bereziekin egongo da osatua. Adi egon!.
Lan berriaren azalean Soumaya eta Fanta izeneko neskatoak agertzen dira.
