Larunbatean, Mendaroko Garagartzan, Gararock jaialdiaren beste edizio bat egingo da. Jaialdia doakoa da, eta zazpi taldek joko dute, 17:00tatik aurrera; umeentzako rock-tailerra ere izango da.
Hauexek dira jaialdian parte hartuko duten taldeak: The Lookers (Ziburu, garage-punk); Sonic Trash (Bilbo, rock alternatiboa); Kabbalah (Iruñea, stoner); Las Morenas (Getxo, bertsioak); The Screamin’ Targets (Donostia, rockabilly eta power-pop); Jon Gurrutxaga eta Keu Agirretxea Elgoibar eta Ondarru, rock klasikoa) eta Jo eta Ito! (Mendaro, punk).
Azkenik, 17:00etan, haur rock zaleentzako tailerra izango da. Jateko aukera ere izango da, Food Truck bat egongo baita: “Bokadillo bereziak, edariak, txutxeak eta diskoak”.