Iruña Fokatu argazki-lehiaketako aurtengo edizioa martxan jarri du Iruñeko Udalak, “hiriko txokoetako argazkirik onenak saritzeko”. Edizio honetan, epaimahai teknikoak 2020ko udal-egutegia ilustratuko duten argazkiak aukeratuko ditu.
Lehiakide bakoitzak, gehienez ere, hiru argazki aurkeztu ahalko ditu, argitaratu gabeak. Argazkiak Sanduzelaiko Civivoxean aurkeztu behar dira urriaren 31 baino lehenago.
Sariak honakoak dira: lehen saria, 800 €; bigarren saria, 500 €; eta hirugarren saria, 400 €. Beste sari bat ere egongo da, 500 €, kokapen eta azpiegitura berrien eta XXI. mendeko hiriaren hazkundearen argazkirik onenari. Horrez gain, epaimahaiak egoki jotzen badu, bost aipamen berezi, gehienez ere, eman ahalko ditu. Sari-banaketa abenduan izango da.
Datu guztiak hemen kontsultatu ahal dituzue.