Tabakalerak Situ-akzioak proiektuaren erakusketa berria abiatu du, María Jerez artistaren eskutik. Herri bat behar da mendi bat altxatzeko deituriko erakusketak, IPI Karmengo Ama eta Herrera Ikastetxea eskolekin elkarlanean egin denak, etengabeko eraldaketan dagoen paisaia batean barneratzera gonbidatu nahi du ikuslea.
Herri bat behar da mendi bat altxatzeko erakusketak “unibertso batean murgiltzen gaitu, eta bertan paisaia ez da bakarrik begiratzeko, parte hartzeko ere bada. Gora igo, mugitu, biratu, putz egin edo laztantzetik, soilik begiratzera, paisaia horrekiko interakzioak aukera ematen digu inguratzen gaituena ulertu eta harekin lotzeko modu berriak aztertzeko. (…) esploratzera eta irudimenera bultzatzen gaituzten askotariko elementuak aurkezten ditu: hazten diren mendiak, biraka dabilen eguzki erraldoi bat, lurpeko munduetara garamatzaten oihalak… María Jerezen proposamena ez da soilik erakusketa bat, familiek parte hartzeko eremu eta elkargune bat ere bada”.
Erakusketa abuztuaren 25era arte bisitatu ahal izango da, eta astebururo eguerdiko 12:00etan dinamizatutako saioak eskainiko dira, larunbat nahiz igandetan. Parte hartzeko beharrezkoa da aldez aurretik izena ematea. Gainera, maiatzetik uztailerako goizetan, eta publikoari irekita ez dagoen orduetan, eskoletako taldeei eta beste talde batzuei zuzendutako jarduerak egingo dira.
Informazioa gehiago: Tabakalera
