Neguko inauterietako antzerki zaharra berpiztu egiten da urtero, negua amaitzear dagoela eta inauteriak hurbil daudela esateko. Hala, igande guztietan gazteak bildu eta maskaradak egiten dituzte mozorroz jantzirik Zuberoako herrietan.
Aurtengo maskaradak Zalgize eta Iruriko gazteek egingo dituzte. Eurak mozorrotuko dira eta Euskal Herrian ezagunak diren ofizioko pertsonaiak eta taldeak, dantzariak eta abar jokatuko dituzte.
Datorren hilean hasiko dira saioak. Otsailaren 2an izango da lehen agerraldia, Zalgizen, eta maiatzeko bigarren asteburuan izango da azkena, Irurin.
Beste agerraldi guztiak honela programatu dira:
Otsailak 9, igandea: Atharratze
Otsailak 16, igandea: Ainharbe
Martxoak 2, igandea: Altzürükü
Martxoak 9, igandea: Eskiula
Martxoak 16, igandea: Idauze-Mendi
Martxoak 30, igandea: Aloze
Apirilak 6, igandea: Hoki
Apirilak 13, igandea: Altzai
Apirilak 20, igandea: Barkoxe
Apirilak 27, igandea: Urdiñarbe
Maiatzak 4, igandea: Gamere-Zihiga
Maiatzeko bigarren asteburuan, Irurin, izango da azkena.
