IKUS-ENTZUN

Begibistan Zinemastea gaurtik aurrera

Amurrion egiten den Begibistan Zinemastea gaur berton hasi eta 30era bitartean luzatuko da. Bertan parte hartzeko epea abuztuaren 12an itxi zen eta orain, film interesgarrienak aukeratu ostean, emanaldiak datoz.

Lanak, gehienez 30 minutukoak, Ofibistan Sail Ofizial orokor eta Nerbioibistan Arabako, Bizkaiko Nerbioi Goienako eta Aiala Haraneko zuzendarien lanen sailean sartu dira.
Sariak potoloak izango dira: film labur onenari 1.200 euroko saria; euskarazko film labur onenari 1.000 euroko saria; Nerbioibistan ataleko film labur onenari 500 euroko saria; eta ikusleen saria, 500 eurokoa.

Hortaz, gaur berton izango da lehen emanaldia Amurrio Antzokian, 20:00etan, Nerbioibistan sailarekin. Bertan, Puré (Mikel Bustamante), Cartas de guerra (Aritzeder Arregi), Pajero (Aitor González), Koloretako txoriak (Luisan García, Luis Santos, AMPA Lamuza), Peseteros (Mikel Bustamante) eta La Sra. Jesusmari (Aitor Arenas) filmak pantailaratuko dira.

Datozen egunotan, Ofibistan saileko lan mordoa ere ikusteko parada egongo da. Azken egunean, 30ean, sari banaketa egingo da.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ONARTU
Aviso de cookies
Tresna-barrara saltatu