Balmasedan eta Orozkon jokatuko dira Udabarrian Bertsotan txapelketaren hurrengo saioak gaur berton, maiatzaren 15ean, 18:30etik aurrera. . Lehengo astean hasi zen sailkapen fasea, Munitibarren eta Bakion jokatutako saioekin; Asier Galarza eta Imanol Uria izan ziren nagusi bi saio horietan.
Balmasedako saioa Areto Nagusian izango da eta Orozkokoa Donibane Aretoan. Balmasedan hor juntatuko diren bertsolariak honako hauek dira: Aitor Arrutia Azkueta Araitz Katarain Mugarza, Enara Gallastegi Barrenetxea, Ixone Asategi Narbaiza, Janire Arrizabalaga Munduate eta Maider Altuna Urbina.
Orozkon bertsolari hauek arituko dira: Ander Aldazabal Olabarri, Ander Sarriugarte Garcia, Ander Ucelay Aristi, Arkaitz Zipitria Mendizabal, Inazio Vidal Gurrutxaga, eta Irune Basagoiti Agirre.
