Literatur sorkuntza bultzatzeko asmoz, Zumaiako Udalak Kutxaren laguntzarekin Julene Azpeitia 26. ipuin lehiaketa antolatu du. Lanak entregatzeko azken egunetan gaude!
Idazlan batzuk badituzue, begiratu bete beharreko baldintza hauek: Lanok euskaraz idatzita egon (gutxienez 6 orrialde eduki beharko ditu eta gehienez 15), originala izan eta argitaragabea. Ezin dira aurkeztu jatorriz beste hizkuntza batean idatziak izan eta lehiaketarako euskaratuak izan direnak. Lan bakoitzaren hiru ale bidaliko dira hona: Zumaiako Udala. Euskara Zerbitzua. Foruen Enparantza, 1 20750 Zumaia.
Idazlanak, onartua izateko, izenburua bakarrik eramango du agerian eta idazlearen izena ezin izango da inon aipatu. Idazlanarekin batera, gutunazal itxi bat bidali beharko da, kanpoaldean idazlanaren izenburua jarrita, eta barrualdean, berriz, egilearen izen-abizenak, telefonoa, sinadura eta NANaren fotokopia.
Hiru sari emango dira. Lehen saria: 3.000 €; bigarren saria: 1.500 €. Zumaiako onenaren saria: 1.000 €
Lanak aurkezteko epea irailaren 30ean amaituko da.
