Musikariaren esparru legalari buruzko ikastaroa emango du Ainara LeGardon musikariak, uztailaren 12an, Bilbao Centro merkatari gunean; prestakuntza-saio hori Musikari Euskal Herriko Musikariak eta Euskadiko Soinuak programak ondu dute.
LeGardonek ondoko gaiak jorratuko ditu saio horretan, besteak beste: Jabetza Intelektuala; Autorearen eskubideen kudeaketa eta loturak egungo esparruan; eta, azkenik, Lizentzia libreak, izapide legalak eta kontratuak musika-esparruan.
Ainarak 20 urte baino gehiagoko ibilbidea egin du musikaren munduan. Musikari ez ezik, hainbat esparrutan ere aritu da, betiere, musikari lotuta: ekoizle, promozio-agente…
Musikari bizkaitarrak industria musikalari buruzko hainbat ikastarotan ere parte hartu du, 2003az geroztik. Horretaz gainera, makina bat musikarirekin aholkularitza lana egin du.
Informazio gehiago: ainaralegardontalleres.wordpress.com.
