Euskaldunon Biltoki elkarteak emanaldi akustikoak ondu ditu Iruñeko Txantreako Ezkaba plazan, hil honetan, Euskaldunon Akustik izenburupean. Guztira lau kontzertu izango dira, eta lehena atzo, otsailak 6, izan zen: Bide Ertzean.
Gainerako hiru kontzertuak honakoak izango dira: 14an, Balerdi Balerdi; 21ean, Izaki Gardenak; eta, amaitzeko, 28an, Joseba Irazoki.
Halaber, Zarauzko Garoa liburu-dendak ere hurrengo hileetarako prestatu dituen Paperezko Kontzertuak izeneko emanaldi akustikoen berri eman du; hala, otsailaren 16an, Gari izango da bertan; martxoaren 9an, Mursego, eta, azkenik, apirilaren 27an, Mobydick. Fermin Etxegoien kazetariak zuzenduko ditu emanaldiok.
Hiru kontzertu horietara joateko 30 euroko bonoa jarri du eskuragarri Zarauzko liburu-dendak.
