Bihar, hilak 19, Zorrotzako Gaztetxean, Soziedad Alkoholikak kontzertu izugarria eskainiko du. Sarrera guztiak agortuta ditu.
Bere ibilbide osoan zehar eta disko guztietan, Soziedad Alkoholikak bere oinarrizko printzipioekiko fideltasuna mantendu du. Gasteizko bandak ez du oina azeleragailutik milimetro bat ere altxatu, eta duten intentsitateari eutsiko diote beste behin.
Sistema Antisocial estudioko azken diskoa argitaratu, eta En Bruto XIX eta Mendizorrotza 2022 zuzenekoak argitaratu eta zazpi urte igaro ondoren, taldea Confrontación disko berriarekin dator. Jimmy SAk ekoitzitako lana, Haritz Harreguyk nahastua eta Nestor Urdanpilletaren diseinu grafiko batekin.
Lan hori estudioko hamargarren albuma da, eta argi dago taldeak ez duela ezer frogatu behar. Balentria hori, gaur egun, oso banda gutxik lor dezakete. Aske egoteko eta beren buruarekiko leial izateko baldintza horrek, beren ibilbide osoan, nahi bezala lan egiteko aukera ematen die, eta hori da, zalantzarik gabe, taldearen nortasun-ikurra. Benetakotasun eta kalitate bermea, mugimendu bakoitzean transmititzen dena, bai zuzenean, bai estudioan.
Rock eta punkaren eztandak jarraipena izango du hurrengo egunean, hilak 20, toki berean, Vomito eta Anti Regimen taldeekin. Aurten 2024an errepidean daramatzaten 40 urteak ospatu nahi dituzte eta bira ederra egiten ari dira, hilean kontzertu bat eskainiz. Madrilen, Bartzelonan, Zaragozan, Santanderren, Lizarran, Bilbon, Gazteizen, Uztaritzen, Donostian, Tolosan eta Irunen ibiliko dira urtebetez. Biran hainbat zuzeneko grabatuko dira, dena gogorarazteko disko bat editatzeko asmoz.
Azkenik, apirilaren 27an, Animales Muertos, Yugular, eta Los Vibradores taldeek kontzertu potentea ere egingo dute bertan.
