Bilboko Udalak Eszena Kalera programaren edizio berri bat jarriko du abian gaur (maiatzak 26), eta irailaren 25era arte. Bilboko auzoetako plaza eta kaleetan 63 kultura-proposamen egingo dira, zirku garaikidea, clowna, magia, ekintza parte-hartzaileak eta publiko guztiarentzako kale antzerkia eskainiz.
2022ko edizio honetan, “Eszena Kaleraren programazio osoa doakoa izango da, eta kaleko ikuskizunen funtsa berreskuratuko du. Ikuskizun horiek esparru irekietan gozatu ahal izango dira, aldez aurretik sarrera edo herria erreserbatu behar izan gabe.”
Hauek dira Eszena Kalera ekimenaren edizio honetako programazioan parte hartuko duten konpainiak: Aukeran Dantza Konpainia, Barré Cía, Deabrukeriak, Dikothomia Cía., Eidabe, Eriz Magoa, Ganso & Cía, Haatik Dantza, Hortzmuga Teatroa, Imaginaciones Nai, Intujai Teatro – Bea Larrañaga, Jour De Fête Cie., Magia En Zapatillas, Maite Guevara, Malas Compañías Zirko Taldea, Oihulari Klown, Panpotx Kultur Elkartea, Proyecto Larrua + Eva Guerrero, Rojo Telón, Sinvergüenzas Exprésate, Xilipurdi Antzerkia, eta Zirko Txosko.
Diogun moduan ekimena gaur berton hasiko da programazio bikoitzarekin: 19:00etan, Santutxuko Karmelo Plazan Dikothomia CÍA konpainia izango da [‘e.go] proposamenarekin, eta ordu berean, Castañoseko Funikular Plazan Ganso & Cia konpainiaren Mambo Bingo aurkeztuko da.
Gainerako ikuskizun eta konpainiei buruzko informazio guztia hemen kontsulta daiteke.
