Amorantek (Iban Urizar Ondarza) bost kantuko lehen lana ondu du, “soinu-postal” formatuan. Formatu berezi horretan bost postal biltzen dira, eta postal bakoitzak kantu bat deskargatzeko kodea dauka; halere, lan osoa musikariaren bandcamp webgunearen bitartez ere eskura daiteke. Amorantek gaur aurketzuko du lan berria Donostiako Garoa Kultur Laben, 19:30etik aurrera.
Soinu-postalok Alaitz Alberdi eta Joseba Agirrezabalagak marraztu eta serigrafiatu dituzte, eta Rafa Rodrigok origamiz eginiko gtun-azal batean daude gordeak. Gutun-azalaren papera, halaber, Josune Galartzak egin du.
Amorantek ez ezik, hainbat musikarik ere parte hartu dute: Patxi Zabaleta, Naia Membrillera, Aitor Nova, Francesca Romana Di Nicola, Maite Arroitajauregi, Xabier Erkizia eta Niño De Elche; azken horren oihuak, hain zuzen, Oroimenaren Fruitu kantuan entzuten dira.
Grabazioaz, berriz, Xabier Erkizia eta Amorante bera arduratu dira. Diskoa, gainera, hainbat tokitan jaso da: “Elgoibarko Makina Erremintaren Museoa, Elgoibarko Musika Bandaren lokaleko aldagelak, Elgoibarko Musika Eskolako perkusio-gela, San Bartolome eliza, Mursegoren kobazuloa, Donostiako Kalkutako Teresaren lurrazpiko parkinga eta Berako Mik estudioa”.
Diskoan askotariko musikak biltzen dira: Flamenko zantzuak, Latinoamerikako oihartzunak, euskal kantagintza…
