Maiatzaren 24an, igandean, Lesakako Kultur Etxean, Nafarroako gazteen Bertso Eskolek beren eguna ospatuko dute, ikasturte amaierarekin batera ikasleen elkar-ezagutza handitzeko xedez. Gaur egun,18 urtetik beherako 170 ikaslek lantzen dute bertsolaritza eskola orduz kanpo
Topaketak, 10-15 urte bitarteko ikasleak bilduko ditu, goiz eta arratsaldeko egitarau baten bueltan.
Hala, 12:00etan hasita, bertso-eskola bakoitzak agurra botako du. Ondoren, gaztetxoak protagonistak izango dituen bertso-saioa burutuko da, klasean landutako ariketekin. Eta geroago, Nafarroako Bertsopaper Lehiaketako sari banaketa egingo da.
Arratsaldean, bertsogintzarekin lotutako jolasak antolatu dira.
