Maiatzaren 18an eta 19an, Ibaiertzean jaialdia egingo dute Iruñeko Etxabakoitz auzoan. Musika, kalea eta komunitatea. Auzotik auzora lelopean egingo da ekimena.
Hala, hilaren 18an, ondoko musika taldeak arituko dira: Resonante Basuband, Skabidean eta Maria Jose Llergo. Hilaren 19an, halaber, Nizuri Tazuneri, La Perla eta Booty Riots.
Kontzertuokin batera, bestelako ekitaldiak izango dira: Afrikako perkusioari buruzko tailerra, dantza flamenkoa, Afro Urban Danz Klub, eta abar.
Ekimenaren xedea da, Iruñeko Etxabakoitz auzoan, musika, kalea eta komunitatea uztartzea. Aurtengoa jaialdiaren bigarren edizioa izango da.
