Bihar proiektatuko duten filmaz gain, makina bat ekitaldiz gozatzeko aukera izango da aste honetan Zarauzko gaztetxean. Ostiralean, Arraio irratiko Kaiola irratsaioko lau disko jartzaile elektronikako soinuak ipiniko dituzte 22:30etatik aurrera.
Larunbatean hardcore kontzertu basatia izango da dozena erdi talderen eskutik eta IV. Zaratafest jaialdia lelopean: Bermeoko Powerflip, Beasaingo Fly Shit, Buenawistako Ira et Decessus, Zaragozako Mistkafer eta Criatura eta Bartzelonako Totalickers taldeak edukiko dituzte. Goizean, berriz, pala txapelketa izango da Manuela frontoian 11:00etan, eta eguerdi partean bazkaria gaztetxean. Igandean, ostera, Oteiza = Gizartea antzezlana izango da 19:00etatik aurrera.
Eta astelehenean, azaroaren 15ean, Emakumeak eta Artea izeneko mahai-ingurua atondu du Sorginak Emakume Taldeak. Bertan, Uxue Alberdi idazle eta bertsolaria, Maite Arroitajauregi Mursego; musikaria, eta Concetta Probanza margolaria hainbat gaien inguruan arituko dira: zein leku gelditzen zaion emakumeari artean, zeintzuk diren oztopo nagusiak, beraiek nola bizi duten egoera…
Putzuzulok bidalita
