Arabako Bertsozale Elkarteak antolatuta, larunbatean abiatuko da I. Bertso Sarikadaren bigarren ekimena Arespalditza herrian (joan den asteburuan, Okondo eta Laudion izan zen jaialdia). Horretarako 13:00etan, Arespalditzan bertan bertso-poteoa izango da, eta 14:30ean, LLantenon, bertso-bazkaria. Bilduko diren bertsolariak honakoak: Iñaki Tena, Beñat Burgi, Asier Zubizarreta eta Sabin Aranburu.
Larunbatean, Araiara egingo dute salto. Oier Suarez, Jon Ruiz de Pinedo, Andoni Murga eta Beñat Oribek bertso-poteoa egingo dute 19:30ean eta gero, 21:00etan, Errepuierren bertso-afaria.
Beste aldetik, eta Arabatik irten gabe, larunbatean, Gasteizeko Paddy short tabernan(Santa Luzia 8), Bertso-tavern izeneko ekimena egingo da, 20:00etan. Ander Solozabal, Manex Agirre, Julen Zulaika arituko dira.
Arabako bertso-agenda eguneratuta hemen duzue, hala ere.