Asteburu honetan Gipuzkoako Bertsolari Txapelketaren saioak Alegian, Mutrikun, Soraluzen eta Lezon jokatu ziren. Saiookin bukatu da Gpuntuaren Lehen Faseko lehen itzulia.
Jokin Uranga, Alaia Martin, Nahikari Gabilondo, Manex Mujika, Manu Goiogana, Agin Rezola, Asier Azpiroz eta Beñat Lizaso nagusitu dira asteburuko saioetan.
Hamar saio jokatu dira orain arte. Datorren asteburuan ez da saiorik izango eta maiatzaren 28an izango dira hurrengo saioak, Amezketan, eta ekainaren 5ean bukatuko da lehen fasea, Urretxu-Zumarragako saioekin.
