Gazteek sortutako ekitaldi kulturalak abian jartzeko Gazte sortzaileak bekak izena emateko epea ireki du. Guztira 4.000 euroko laguntza eta aholkularitza eskainiko ditu. Gazteek beren sormena garatzeko aukera-guneak izatea nahi du.
Interesa izanez gero, adi honi: 17-35 urte bitarteko gazte arabarrei zuzendua dago, eta helburua gazteen artean euskarazko sorkuntza bultzatzea bilatzen du. Era berean, euskarazko kultura-programazioan eragitea du xede, gazteek gazteentzat sortutako jardueren bidez.
Bestalde, bakarkako edo taldekako lana izan daiteke, eta hainbat diziplinatako proiektuek dute tokia deialdian: antzerkia, zinema, ikus-entzunezkoak, bertsolaritza, bakarrizketa, musika, poesia-emanaldia, performancea eta diziplinen arteko nahasketa.
Beka jasotzen dutenek 6 hilabetera proiektua estreinatzen dute normalean.
Lanak aurkezteko epea uztailaren 15era arte egongo da irekita, eta Udalaren Erregistro Nagusian, Gasteizko gizarte-etxeetan edo Gasteizko Udaleko egoitza elektronikoaren bidez aurkez daitezke.
Deialdiaren oinarriak eta bestelako informazioa hemen dituzue.