Bilboko Zazpikaletan dagoen Biba! kultur guneak hil honetako egitaraua iragarria du. Programazioan, askotariko ekitaldiak bildu dituzte. Hala, bihar bertan, Carlos Buesak kontzertua emango du, 20:30ean.
Ekainaren 8an, Altxatu taldeko kide Ibai Osinagak ere kontzertua egingo du, eta 9an, Irlandako eta Euskal Herriko folk musika entzuteko aukera izango da. Bi emanaldiok 21:00etan hasiko dira.
Ekainaren 11n, bestalde, Muntu Antzerki Taldeak Muntu antzezlana aurkeztuko du, 19:00etatik aurrera.
Ekainaren 15ean, Lutxo Egia idazleak Egiaztatzaileen aurkeztea performance baterako izenburuko egitasmoa aurkeztuko du.
Azkenik, hilaren 22an, Biba Uda! izenburuko festa izango da.