Carlos Reygadas zinegile mexikarrak 2013an estreinatutako Post tenebras lux pelikula pantailaratuko da gaur, maiatzak 27, Bilboko El Carmen aretoan, 19:45ean. Emanaldia FAS zineklubaren egitarauren baitan dago, eta Ivan Barredok aurkeztuko du.
Reygadas zinegilea Mexikoko zuzendari garrantzitsuenetarikoa da; bere lehenengo filma, Japón (2002), hainbat jaialditan aurkeztu zen, eta Batalla en el cielo (2005), halaber, Cannes hiriko zine-jaialdian lehiatu zen, bai eta Zuzendari Onenaren saria irabazi ere. Horrekin batera, Luz silenciosa (2007) lanak Cannes-eko Epaimahaiaren saria jaso zuen.
Post Tenebras Lux, bere azken filma, ez da oraindik gurean estreinatu, eta ariketa bisual aparta da, kasik transzendentala, eta ohiko narratiba zinematografikotik urruntzen dena.
