Imanol Larzabal kantaria hil zela hamargarren urteurrena betetzen da aurten eta hura gogoratzeko hainbat ekitaldi antolatu dituzte Imanol Oroituz elkarteak eta Donostia Kulturak.
Bihar bertan, azaroaren 6an, 19:00etan, Imanol Larzabali buruzko erakusketa zabalduko dute eta hilaren 16ra arte egongo da zabalik. Horrez gain, Imanol, 10 urteko ausentzia dokumentala ere eskainiko dute Imanol Larzabal aretoan, azaroaren 6an, 20:00etan.
Azaroaren 8an, berriz, 19:00etan Imanol Oroituz kontzertu berezia antolatu dute. Honako hauek dira parte hartuko duten kantari, musikari zein bertsolariak: Ainara Ortega, Amaia Zubiria, Andoni Egaña, Arantza Irazusta, Karlos Jimenez, Mikel Andueza, Niko Etxart, Pascal Gaigne, Txema Garces eta Xabier Euzkitze.
