Durangoko Azokan urtero izaten den Ahotsenea Sortzaileen Guneak euskal sortzaileen arteko I. Topaketak atondu ditu uztailaren 2an eta 3an, eta gogoeta trukerako gunea izatea du xede: “Euskal sortzaileok elkar ezagutu, euskal sorkuntzaren egungo egoera elkarrekin aztertu eta balizko irtenbideak proposatzea”.
Euskaraz sortzen duen orok ateak irekita izango ditu Azpeitian: Idazleak, musikariak, aktoreak, bertsolariak, gidoilariak, zuzendariak, dantzariak, margolariak, eskulturagileak, irudigileak, eta abar. Hala, parte hartzeko nahikoa da izena ematea e-posta bidez helbide honetan.
Egitarauari dagokionez, lehendabiziko egunean, uztailak 2, eta 10:00etatik 14:00etara, solasaldia izango da ondoko gaiaren inguruan: Egungo egoeraren diagnosia nork bere kultura adierazpidetik, norberak bizitakoak. Bazkariaren ostean, 16:00etatik 19:00etara, goizeko solasaldiaren jarraipena egingo dute, eta 19:30ean, azkenik, Askarako zikloaren 2. mahai ingurua egingo dute: Zergatik ez da ikusgarria euskal kultura hedabideetan?.
Bigarren egunaren harira, uztailak 2, 10:00etatik 14:00etara azken solasaldia izango da, 10:00etatik 14:00etara: Sortzaileok geure burua antolatu genezake?.
