Belleza Infinita argitaletxeko Garikoitz Fragak autoedizio tailerra zuzenduko du larunbatean,Lekeitioko Arropaineko Arraguan, 10:00etatik 13:00etara.
Tailerrean sei urtetik gora duen nornahik parte har dezake: “Fanzine filosofiara eta autoediziora aurkezpen hitzaldi batean familian parte- hartu. (…) Gero, gazteekin gure fanzine-a sortuko dugu”.
Tailerraren xedea norberaren argitalpenak egitea da, lanotan norbera isla dadin. “Guk geuk egingo ditugu gure liburuak. Edo fanzinak: guk egin ditzakegun liburu era bat. Besteak begiratuko ditugu eta erretratuko ditugu. Nolakoa naiz? Nola ikusten naute? Nola ikuzten gara gure burua? Autoerretratua”.
Arragua Arropaineko auzoan dago, desagertutako ontziola baten inguruan, Lea ibaiaren ondoan. “Arraguak [Arropaineko] bere akzioak orientatzen ditu, batez ere, bi eremuren arteko intersekzioan: sorkuntza eta transmisioa (arte#pedagogia), itzulpengintza, eztabaida, inpartzialtasuna eta simetria bezalako kontzeptuetatik aurrera”.
Informazio gehiago: arragua.org.
