14tik urtetik beherakoen Arabako Bertso Eskolartekoa maiatzean ospatu ohi da, baina gauden egoerak aldaketak ekarri ditu. Hala esan zuten antolatzaileek: “Maiatza kobazulotik apurka- apurka ateratzeko garaia izango dela dirudi, baino egoera arraro honetan topaketak, jende aurreko emanaldiak eta festak izan ohi zirenak egokitu beharra izan dugu halabeharrez. Horrek ez du Arabako Eskolarteko Bertso Txapelketa geldiaraziko, ordea. Haurren sormenari bidea eman behar baitzaio!”
Bertsolaritza ikastetxean edo bertso-eskolan lantzen duten 14 urte bitarteko haurrek bertso idatzien lehiaketan parte hartzeko aukera izan dute udaberrian, eta maiatzean eskualde bakoitzeko lan aukeratuak bertsozale elkartearen web gunean argitaratu dira.
Horren ostean, bihar, ekainaren 6ean finalista onenak zeintzuk diren jakitera emango da, eta Hotza Extrem abentura parkean egun pasa ederra izango dute saria, irailaren 13an ikasturte berria gogoz hasteko.
Animo!!
