Kulturan, eguneroko jardun berezituetan eta haur munduan euskararen ahozko gaiez eginiko gogoetak bildu eta esperientziak jasotzea da helburua, etorkizunera begirako gakoak zeintzuk izan daitezkeen ikusteko.
Irakasle, kazetari, aurkezle, bertsolari, ipuin kontalari, antzezle, euskara teknikari, ikerlari, eta oro har ahozkotasunak bizi duen orori zuzendurik planteatuta daude Euskal Herriko Bertsozale Elkarteak eta Mintzola Fundazioak antolatu dituzten jardunaldiok.
Gaurtik aurrera izango dira jardunaldiak Villabonako Subijana Etxean, Mintzola Fundazioaren eta Bertsozale Elkartearen egoitzan.
Jardunaldietan parte hartuko duten adituen zerrenda luzea da: Piter Ansorena, Gorka Tolosa, Itziar Rekalde, Miren Ibarluzea, Joan Kruz Igerabide, Julian Beloki, Antton Luku, Jose Angel Irigaray eta Lorea Agirre.
Bertsozale Elkarteak bidalita
