I. Parrapean Komiki Lehiaketa deitu du Bilboko Udalak, Parrapean komiki egunak topaketen barruan. Ekimena 14-17 urte bitarteko gazteei zuzenduta dago, eta kategoria bakarra izango da: euskarazko komikia edo testurik gabekoa.
Aurkeztuko diren lanen gaia eta teknika librea izango da; originalak izango dira, bi orrialdekoak eta koloretan edo zuri-beltzean. Paperean edo formatu digitalean (.jpg) aurkez daitezke. Egilearen datuak gutun-azal batean sartuko dira, eta komikian izenburua edo gaia baino ez da agertuko. Taldean ere egin daitezke.
Lanak helbide honetara bidali beharko dira, edo bertan entregatu, urriaren 15etik azaroaren 15era: Begoñako Liburutegia (Circo Amateur Club Deportivo k. 2, 48004 Bilbo).
Hiru sari izango dira: Lehen saria, Intuos Pen Tablet, Xabiroi album bat eta lau ale, marrazteko materiala, komikia Berton aldizkarian argitaratzeko eskubidea eta diploma.
Bigarren saria: Xabiroi album bat eta lau ale, komiki sorta, marrazteko materiala eta diploma. Azkenik, hirugarren saria: Xabiroi album bat eta lau ale, marrazteko materiala eta diploma.
Informazio gehiago: kulturabarrutik.net.
