Urtarrilaren 28an World Wide SketchCrawl nazioarteko deialdia hartuko du Donibane Lohizunek (Lapurdi), bere karriketatik ibiliko diren marrazkilarien eskutik.
Euskalherria’s SketchCrawl taldeak jarritako hitzorduari 50 marrazkilarik erantzun diote momentuz, haien kaieretan egindako lana sare ezberdinetatik zabaltzeko asmoz.
Euskalherria’s SketchCrawl taldeak eman dizkigu ekimenari buruzko datu guztiak: “Deialdi irekia, zabala, horizontala eta lehiarik gabekoa da hau, hiru hilabetean behin herrialde ezberdinetako marrazkilariak elkartzen dituena. Elkarrengandik ikasteko helburuaz batzen dira, begien aurrean daukaten errealitatea nola islatu eta bakoitzak bere aldetik garatzen duen ibilbidearekin egin dezakeen ekarpenaz. Goizeko hamarretan elkartuko dira Donibane Garaziko Merkatuaren aurrean kaleetatik sakabanatu baino lehen. Gero joango dira elkartzen egunaren bizioenak partekatzeko, batera bazkaltzeko, sei eta erdietan agurraren ordua heldu arte.
Deialdi hau San Frantziskotik (Kalifornia) luzatzen bada munduan zehar sakabanatuta dauden taldeek egiten dute gertuko hitzordua. Hala, egun berean, Göteborg, Barcelona, Wisconsin Paris, Sevilla, Tokio, Birmingham, Hamburgo, Roma, Montréal, Seoul,… eta hainbat lekutan elkartuko dira marrazkilariak, bakoitzak bere ingurua islatuz.
Taldea hau indartsu dabil azken urte hauetan bai erakartzen duen jendearen kopuruagatik bai hain eremu zabalean antolatzeagatik. Gure hurrengo ekitaldiak Karrantzan (apirilak 28) eta Iruñean (San Ferminetan) egingo ditu, leku gehienetan hiri bakar bat hartzen duen bitartean”.
