Aukeratutako lanek hainbat sari ofizial irabazteko aukera izango dute; besteak beste, film onenarentzako Punto de Vista Sari Nagusia, 10.000 euroz hornitutakoa. Horrez gain, zuzendari onenarentzako Jean Vigo Saria ere emango da, 5.500 euroz hornitutakoa, eta film labur onenarentzako saria, 3.500 eurokoa. Jaialdiko ikusleek film hoberenarentzako sari berezi bat erabakiko dute, 2.500 eurokoa. Epaimahaiak, bestalde, gehienez bi aipamen berezi egiteko aukera izango du, haietako bakoitza 1.250 euroz hornitutakoa.
Honatx Atal Ofizialean lehiatuko diren filmen zerrenda: film luzeei dagokienez, 48 (Portugal, 2009), Susana de Sousa Dias; Alda (Txekiar Errepublika, 2009), Viera Cakanyova; Color perro que huye (Espainia), Andres Duque; Erie (AEB, 2010), Kevin Jerome Everson; Foreign Parts (AEB, 2010), Verena Paravel eta J.P. Sniadecki; Gravity Was Everywhere (AEB, 2010), Brent Green; Histoire racontée par Jean Dougnac (Frantzia, 2010), Noëlle Pujol; Ici-Bas (Belgika/Frantzia, 2010), Comes Chahbazian; Make it New John (Bretainia Handia, 2009), Duncan Campbell; The Arbor (Bretainia Handia, 2010), Clio Barnard; True Love (Espainia, 2010), Ion de Sosa; eta Vrindavana (Argentina, 2010), Ernesto Baca.
Film laburrak, berriz, honakook izango dira: Crosswalk (AEB, 2010), Jeanne Liotta; El maná (Espainia, 2010), Juan Carrascal; Into the Middle of Nowhere (Bretainia Handia, 2010), Anne Frances Ewert; Pa Rubika Celu/ On Rubik's Road (Letonia, 2010), Laila Pakalnina; Talking Heads/ Muslim Women (Bretainia Handia/India, 2010), Fathima Nizaruddin; eta Traslating Edwin Honig: A Poet's Alzheimer (AEB, 2010), Alan Berliner.
Epaimahaikideak bost izango dira: Naomi Uman (Ukrania); Joshua Siegel (Estatu Batuak); Ben Russell (Estatu Batuak); Josep M. Català (Espainia); eta Hans Hurch (Austria).
Egitarau osoa zinema jaialdiaren webgunean ikus daiteke.
Nontzeberri
