Musikazuzenean Komunitateak, aurten ere, stand propioa izango du Durangoko Azokan. Guztira 43 lan izango dira, guztiak aurten plazaratutako autoekoizpenak.
Horrekin batera, webgune berezia ere ondu du Musikazuzenean-ek, Durangon izango dituen diskoen zerrenda osoa kontsultatzeko.
Zerrenda horretan jasota dauden eta Durangoko Azokan eskuragarri izango diren lanen artean, hauexek daude: Etxeren Bizi, Estricallaren Dramatik-Thlon, Fumuten Fumut, Izaroren Om, Joseba B. Lenoirren, Eguzkiari begietara so; Montauk taldearen Bilaketan; Perlaken Itzaletik, Occhi Di Farfallaren Lerroetatik ihes, Pottors Ta Klitoren Magenta, Rukularen Rukula edo Zingiraren Bidaia.
