Larunbatean, Reggae Gaua egingo dute Anoetako Gaztetxean, 19:30etik aurrera. Hauexek parte hartuko dute: Stepi Selektah, La Basu eta Ziribulio Sound System, Stepi Selektah-arekin batera.
Elena Caballero dago La Basu artistaren atzean. Musikazale amorratua, bere proposamen musikalean askotariko estiloak uztartzen dira: rap, soul ,dancehall, reggae, R&B, rock, punk edo flamenkoa.
90eko hamarkadaren amaieran deskubritu zuen hip hop hiri-kultura, eta 1999an Jungla Urbana izeneko banda eratu zuen. 2001ean, #k izenburuko bakarkako maketa plazaratu zuen, eta grabazio horri esker, estatuko rap artista ezagunekin aritu zen zuzenean.
Harrezkeroztik, hainbat grabazio plazaratu ditu, tartean, Remixes (2013) eta Aire es vida (2015).
