Bilboko Zazpikaletan kokatuta dagoen Biba! kutur guneak bertan behera gelditutako Euskal Herria Zuzenean festibalaren aldeko jaialdi solidarioa ondu du bihar, 20:00etatik aurrera.
Aiora & Piti (Zea Mays), Eñaut Elorrieta (Ken Zazpi), Gorka Suaia, Jon Gurrutxaga eta Keu Agirretxea, Inun, Iratxe Mugire, Josu Bergara eta Yogurinha Borova bilduko dira, besteak beste, bihar Biba! guneko oholtzan.
Antzeko elkartasun ekitaldia egin da iragan igandean Donostiako Le Bukowski aretoan. Donostiako ekitaldian, besteak beste, Mursego, Napoka Iriria, Joseba B Lenoir, Morau edo Amorantek parte hartu zuten.
