Maule-Lextarren azken finalaurrekoan erabakiko da azken bertsolarien taldea,hots finalean abestuko dutenak.
Sei bertsolari hauek kantatuko dute larunbatean Maule-Lextarreko finalaurrekoan: Agin Laburu, Aitor Mendiluze, Jexux Mari Irazu, Jone Uria, Sustrai Colina eta Unai Agirre.Saioa 17:30ean hasiko da Ororena ezker paretan.
Azken finalaurrekoa izanik, Maule-Lextarreko saioa amaituta finalaurrekoetako puntuaziorik onenak dituzten zazpi bertsolariek abenduaren 15ean kantatuko dute, Maialen Lujanbiorekin batera.
