Atzo, Sopelako Ander Deuna ikastolan jokatu zen XXIV. Bertsolari Gazteen BBK sariketaren hirugarren kanporaketa Uribetarren artean ( Uribe Butroe eta Uribe Kosta). Atzokoan Uribe Kosta izan zen garaile. Hortaz, Uribe Kosta finalaurrekoetara sailkatu da, eta martxoaren 8an, Zallako saioan kantatuko du.
Uribe Butroetarrak honakoak izan ziren: Ainhoa Gorostiaga, Iker Larizgoitia Gonzalez de San Roman, Leire Amenabar, Jon Larrabide, Peru Berasategi, Malen Amenabar. Eta aurrean jarri zitzaizkien Uribe Kostako lagunak, honakoak: Irene Ezkurra, Aritz Landeta, Unai Mendiburu, Inazio Vidal, Paule Loizaga eta Peio Arondo.
BBK Sariketako hurrengo kanporaketa saioa martxoaren 1ean izango da, Markina-Xemeinen. Hego Uribe eta Lea-Artibai arituko dira norgehiagokan.
