Arabako Bertsozale Elkarteak gai-jartzaile tailerra egingo du Gasteizen apirilaren 13an Gasteizko Amaia Zentroan. Tailerra Josu Goikoetxeak (gai-jartzailea) eta Uxue Alberdik (bertsolaria) zuzenduko dute.
Josu Goikoetxea gai-jartzailea 9:30etik 11:45era bitarte arituko da eta Izan gai-jartzaile plazan izenburuko saioa gidatuko du.
Uxue Alberdi bertsolariak, berriz, Gaiaren trataera, bertsolariaren aldetik izenburuko gaia jorratuko du. Alberdi 12:00etatik 13:45era arituko da.
Tailerra doakoa da eta dagoeneko zabalik da izena emateko epea. Interesa izanez gero, bidali mezua.
