Iruñean urtero garatzen den Bertsoaroak zazpi ikuskizun proposatzen ditu aurtengo edizioan, azaroaren 9tik abenduaren 2ra bitartean. Egitarauan punta-puntako bertsolari eta belaunaldi gazteen saioak, ikus-entzunezkoak, literatura eta bertsoak uztartzen dituen ikuskizuna, rock kontzertu bat, antzerkia eta Bertsolari Txapelketa Nagusiaren azken finalerdia bildu dira.
Programazioa azaroaren 9an baiatuko da bertso-saio batekin. Gurutzeko Plazako Institutuko Areto Nagusian, Maialen Lujanbio, Unai Iturriaga, Eneko Lazkoz, Ander Fuentes Itturri, Sustrai Colina eta Onintza Enbeita juntatuko dira. Gai-jartzailea Alaitz Rekondo izango da.
Bertso saioez gain, hurrengo ekitaldietan Andoni Egañak eta Uxue Alberdik Kafkaren aulkia egingo dute (azaroak 14); Beñat Gaztelumendik Mundu bat ahoz aho bideo emanaldian parte hartuko du (azaroak 21); Bi Bala taldeak kontzertua eskainiko du (azaroak 28); eta azkenik, Bertsolari Txapelketa Nagusiko azken finalaurrekoa izango da abenduaren 2an.
Informazio gehiago hemen duzue.