Algortako Fadura kiroldegiko aretoan jokatuko da zapatuan, maiatzaren 24an, Uribe Kostako Bertsolari Txapelketako Finala. Saioa 17:30etan hasiko da eta hortxe kantatuko duten bertsolariak honakoak izango dira:Arrate Illaro Etxebarria, Imanol Uria Albizuri, Itxaso Paia Ruiz, Joanes Igeregi Santa Maria, Josu Landeta Egurrola eta Peio Arondo Barandiaran.
Falta den azken saioa, Enkarterri/Ezkerraldea da; hori, maiatzaren 31an jokatuko da Zallan, 17:30ean. Horretantxe Aitor Arrutia Azkueta, Aitziber Bengoetxea Uribe, Ander Ucelay Aristi, Idoia Anzorandia Kareaga, Ion Barrocal Besga eta Nuria Cortada Ibañez arituko dira norgehiakoka.
Informazio gehiago Bertsozale Elkartean begiratu ahal duzue.
