Huhezinema Euskal Film Laburren V. Jaialdia atzo, maiatzak 8, hasi zen eta bihar arte iraungo du. Mondragon Unibertsitateko Huhezi fakultateak antolatu ohi du ikus-entzunezko ekimen hau. Beste edizioetan ez bezala, aurtengoan Euspot, euskal spot-en lehiaketa, gehitu dute nobedade gisa; iragarkien lehiaketa hori atzo burutu zen. Gaur, berriz, ikus-entzunezko 3. eta 4. mailako ikasleen lanak Huhezi fakultatean proiektatuko dira.
Eta, azkenik, bihar, sekzio ofizialeko hamar labur finalistak proiektatuko dituzte 18:00etan lehen aipaturiko kulturgunean. Hiru sari izango dira: Euskarazko Film Labur onena (1.000 euro); Film Labur onena (600 euro), eta Publikoaren saria (400 euro).
Film laburren jaialdi honen inguruko xehetasun guztiak Huhezinemaren webgunean jasotzen dira.
