Algortako Bertsolari Eskola ALBEk hainbat dantza talderen laguntzarekin, “III. Hitzaren Dantza” jaialdia antolatu du irailaren 17an, Algortan.
Igandean, euskal kulturaren zale guztiek hitzordu garrantzitsua izango dute Getxon. Bertan eta 11:00etatik aurrera “bertsolari, dantzari, soinujole, txistulari, pandero-jole, txalapartari, abeslari, joaldun eta euskaltzale aldra batek ibiliko ditu Algortako kaleak eta plazak, aurrekaririk gabeko elkartasunean, eta herritar guztiei begi-belarriak alaitzeko moduko agerraldi koloretsuan”.
Hortaz, goizean kalejira eta zazpi geldialdi egingo dituzte lagun horiek guztiek. Berangoko Simon Otxandategiko joaldunak izango dira bertan, UKtest-eko txalapartariak, Itxas-Argiako abeslariak eta San Nikolas ikastolako soinulariak ere bai. Eguerdiko bazkalostean, txalaparta eta bertsoak entzuteko parada egongo da. Aurten Jone Uria, Iguaran eta Xabi Payà arituko dira. Arratsaldeko 18:00etan hasita eta 21:00etara arte, erromeria izango da Garilak 26 taldearekin.
Informazioa gehiagorako: www.albe.eus
