Donostiako Jazzaldiaren barruan, Zurriolako hondartzan Keler Gunea izango da eta uztailaren 23tik 26ra, zortzi kontzertu eskainiko dituzte talde eta artista euskaldunak, britainiarrak, estatubatuarrak, katalanak, frantziarrak.
Uztailaren 23an, Jamie Cullum izango da protagonista, eta 60. Jazzaldi honetan eskainiko dituen kontzertuetako bigarrena egingo du. Ondoren, Donostian lehen aldiz, The War & Treaty bikotea izango da.
Uztailaren 24an, Anari artista, abeslari, gitarrista eta konpositorea arituko da, eta bigarren kontzertua EXTC taldeak eskainiko du, Terry Chambers lider duena. “Bateria ospetsu hau errepidera itzuli da bere EXTC bandarekin, XTC talde mitikoaren oinordekoarekin”.
Uztailaren 25ean, Judith Hill abeslari, konpositore eta instrumentista estatubatuarra izango da, eta ondoren, 23:30ean, Crystal Murray abeslari gazte paristarra arituko da.
Azkenik, uztailaren 26an, Bulego taldea arituko da poparen aldeko apustua irmotu eta publikoaren arreta bereganatu duen proposamen musikal freskoarekin. Gero Sidonie igoko da oholtzara. “Talde honen abestiak, horietako asko milaka pertsonarentzako belaunaldi arteko ereserki bihurtuak, aldi berean dira bizitasun handikoak eta malenkoniatsuak, dibertigarriak eta dramatikoak, rockeroak eta poperoak, euforikoak eta introspektiboak, ganberroak eta serioak…”
