Egunerokoari Gorazarre izeneko pintura erakusketa abiatu du Miguel Angel Eugui artistak Zizur Nagusiko Kultur Etxea Kultur Etxean. Gaur berton abiatuko de erakusketa, abenduaren 23ra bitartean ikusi ahalko da.
Miguel Angel Euguik bere margolaritzak dituen alderdietako bat erakusten du bodegoiz osatutako erakusketa honetan: bodegoi bat, natura hila izan ezik, dena izan daitekeela frogatuta uzten duen alderdia.
Izan ere, ingurura begirada botatzea nahikoa da gure egunerokotasunean uzkurtuta dauden motibo piktorikoen unibertsoa aurkitzeko.
Objektu hutsalak, baina irudi-indarrez beteak dituen unibertsoa, margolariarekin solasaldi isilak izateaz gain, hari istorio sekretuak kontatzen dizkiotenak.
“Nire bodegoi-pintura pitxerrak, loreak edo beste gai estetiko nabariegiak bodegoi atsegin eta apaingarrietatik saiatzen dira aldentzen. Nik ez dut ukatu nahi arrosaren edertasuna, gertatzen dena da edertasun hori leku ezezagunagotan aurkitzen saiatzen naizela. Ez dut zertan urrunera joan: ingurura begirada pausatzea besterik ez da behar bazter horiek topatzeko. Agoarras-ontzi apal batek, hari-txirrika batek, baratxuri-txirikorda batek lehen begiratuan ikusten ez diren zenbait gauza ezkutatzen dituzte, behaketa luze baten argiaren bidez azaltzen diren ilunantzeko paisaiak. Kontua da orduan misterio gune horiek mihisearen eremu mugatura eramatea eta espazio-denbora dimentsioa oso kontuan hartzea”, adierazi du artista atarrabiarrak.
