Datorren urteko urtarrilaren 21era bitartean, BilbaoArteko Art House Zinemak Angès Varda zinemagileari eskainitako film ziklo bat abiatu du jatorrizko bertsioan. Guztira 12 film eta dokumental proiektatuko dira, 11 saiotan banatuta, lau hilabetetan zehar, pieza bakoitzeko bi emanaldirekin.
Zinemagile interesgarri horren gaineko datuak BilbaoArtek eman dizkigu: “Agnès Varda Brusela ondoko herri txiki batean jaio zen. Bere aita greziar errefuxiatu bat zen, eta bere ama frantziarra. Artearen Historiako ikasketak egin zituen École du Louvren eta Pariseko Théâtre National Populaire argazkilariarentzat lan eginez zinemara iritsi zen. Bere lehen filma aurrez pentsatu gabe jaio zen, zirkunstantzien indarrez, esaten denez, lagun bat hiltzen ari zelako. 1954 zen, eta film hark La Pointe Courte izena hartu zuen, Nouvelle Vagueren aitzindari izan zen maitasun istorio triste bat. (…) Emakume (eta feminista) eta ezkertiar (eta independente) izateak bidesaria ordaintzen zuen. Urteetan zehar, Agnès Vardak bigarren maila batean bizirautearekin konformatu behar izan zuen, eta ezin izan zuen saihestu, bata bestearen atzetik, bere filmak sortuz joatea. Vardak berrogeialdia zuzendu zuen film labur, dokumental eta fikziozko luzeen artean. Horietatik onenak Art House Zinemak azken hamar urteetan beti gurekin egon den zinemagile batenak ikusi ahal izango dira.”
Gaur berton baduzue zinemagile horren lan bat ikusteko abagunea: Le bonheur. François arotz gazte ezkondua da eta bi seme-alaba ditu. Emilie ezagutzen duenean, ezin du saihestu berarekin erakarrita sentitzea, eta abentura bat izaten dute azkenean. Benetako arazoa da ezin duela bere sentimenduak argitu: emaztea eta maitalea maite ditu, baina ez daki bietako zein maite duen gehiago.
Zikloaren gaineko datu guztiak Art House Zinemak dauzka.
