Bilboko FAS zineklubak Pedro Costak zinegile portugaldarrak zuzendutiko Ne Change Rien (2009) izeneko dokumentala eskainiko du bihar, hilak 20, Indautxu Plazan dagoen El Carmen aretoan, 19:45ean.
Filmak Jeanne Balibar aktorearen, Philippe Morel soinu-ingeniaren eta Pedro Costa zinemagilearen arteko adiskidetasunean du oinarri. Balibar entseguen eta grabazioen artean bizi den abeslaria da, rock kontzertuetan eta kantu lirikoetan, Sainte-Marie-aux-Mineseko atiko batetik Tokioko kafetegi batera.
Zuzendariak abestearen egintza filmatzen du modu minimalistan. Oso sinpleki: kantuaren esaldi luzeak errepikatuz, ingelesez errodatuak, eta zentratuta ez dauden koadratzeen bidez. Zuri-beltzezko argiztapena erabiltzen du, harrigarria eta oso kontrastatua.
Sormena da filmaren ardatz eta prozesu horren baitara zuzentzen da gordin, sormen-prozesuaren esentziara iritsi arte.
