Bihar, martxoak 4, hasiko da Gizazinea zikloa, Bilbon; hain zuzen ere, Frantziskoko Udaltegian, Bilboko Zine Dokumental eta ZINEBI 56an parte hartu duten eta gizarte gaiak lantzen dituzten film labur onenen emanaldia izango da.
Etzi, eta leku berean, Mikel Rueda zuzendariaren A escondidas (2014) filma pantailaratuko da. Ostegunean, martxoak 6, zikloa Bilborock aretoan izango da: Independent Docs emanaldia, Unai Aranzadirekin.
Zikloak martxoaren 14ra arte iraungo du, eta ondoko xedea dauka: “Zinearen, musikaren, artearen eta beste jarduera batzuen bitartez ikus-entzuleak beste gizarte errealitate batzuetara hurbiltzea”.
Datorren astean, halaber, martxoak 11n, Bilbaoarte zentroan, Caósticak film laburren emanaldia aurkeztuko du. 12an, Burtsako Udaltegian, 10 miradas filma pantailaratuko da, eta filmaren zuzendari Alberto Gilek ere emanaldian parte hartuko du.
Martxoaren 13an, Pedro García Aguadok eta Francisco Castaño Menak Aprender a educar hitzaldia zuzenduko dute, Bidebarrietako liburutegian, eta egun berean, Bilborocken Kamankola Band taldearen kontzertua izango da.
Amaitzeko, martxoaren 14an, Hika Ateneoan, Caosticak bideoklipen emanaldia aurkeztuko du; DJk ere izango dira.
Informazioa gehiago: kulturabarrutik.net.
