Atal honetan zegoen hutsunea betetzeko asmoz abiarazi zuten proiektu hau aspaldian. Horren emaitzak hauek dira: Aritza Bergarak idatzitako 144 orriko liburu bat, 35 pertsonai mitologikoen aurkezpenekin eta Daniel Castellok egindako ilustrazioekin.
Lan honetan, kondairak eta bestelako informazioa ematen da pertsonai mitologikoak hobeto ezagutzeko… DVD interaktiboa ere badator liburuarekin batera. Bertan 25 pertsonaien bideoak ikusi ahalko ditugu, kondairak entzun ditzakegu, argazkiak ikusi… 3 orduko ibilbidea den dena ikusi ahal izateko.
Euskaraz egindako egitasmoaren 5.000 ale jarriko dira salmentan ikastetxeei, euskaltegiei edota euskal mitologia gustuko edo interesa duen edozein pertsonari zuzenduta.
Adarmendi Euskal Kultur Elkarteak bidalita
