Ekainaren 7etik irailaren 2ra, 70, 80, 90, 00 urteetako zuzeneko musikaren bizipena izan dezakezue Bilboko Alondegian, beretan abiaturik dagoen Live Music Experience erakusketan. Ikus.entzunezko lan hauez gain, erakusketa interaktiboa da eta hala, zuzeneko musikaren zirrara berriro sentitzeko gonbita egiten du ekimenak.
Horrexegatik, euskal musikaren historiako kontzertu historiko esanguratsuenen eta nazioarteko proposamen iradokitzaileenen ikus-entzunezko hautaketa egiten ari da ekainetik aurrea.
Lehen saioa Rock Radikal Vasco (80’s) izan zen, gero etorri ziren R.E.M. taldeaz, Hertzainak, Kobetasonik (2009), Azkena Rock Festival (2009), M-ak Tolosan (1987) eta abar.
Atzokoan Pablo Milanés izan zen protagonista, eta ez da azkena izango.
• Asteartea, uztailak 24: Delorean, Extraperlo, 2011
• Osteguna, uztailak 26: Azkena Rock Festival 2010 (I)
• Asteartea, uztailak 31: Ruper Ordorika Zuzenean 1996
• Osteguna, abuztuak 2: Azkena Rock Festival 2010 (II)
• Asteartea, abuztuak 7: La Pegatina 2011
• Osteguna, abuztuak 9: U2 Live from Mexico 1997
• Asteartea, abuztuak 14: Itoizen berezia
• Osteguna, abuztuak 16: Flaco Jiménez
• Asteartea, abuztuak 21: Xabier Lete Donostiatik
• Osteguna, abuztuak 23: Azkena Rock Festival 2009 (II)
• Asteartea, abuztuak 28: BBK Live 2009 (I)
• Osteguna, abuztuak 30: BBK Live 2009 (II)
Ez galdu aukera!
