Deban egin ohi den Animadeba animazio-jaialdiaren baitan, gortina lehiaketaren bosgarren edizioa ondu dute.
Lehiaketan edozein animazio teknika onartuko dute. Lanak .mov, .mpeg, .avi edota .wmv formatuetan bidali ahalko dira. Artxiboak 30 segundoko iraupena beharko dute izan, eta egindako gortinaren irudi adierazgarri bat aurkeztu beharko da .jpg formatuan (300 ppp-ko erresoluzioan).
Beharrezkoa izango da, halaber, gortina guztiek Animadeba 2014 logoa edukitzea. Gaia librea izango da, baina, beti ere, jaialdiaren promozioari zuzendua. Teknika, originaltasuna eta gaia baloratuko dira.
Lanak bidaltzeko epea abenduaren 13an bukatuko da, saria 700 eurokoa izango delarik.
Lehiaketarekin loturiko xehetasun guztiak, tartean, lanetan txertatu beharreko logoa, eta izen-emate orria, Animadebaren webgunean daude.
Joan den urteko lan irabazlea Ander Korkostegiren mikrodeba izan zen.
