Asteburu honetan bukatuko da Gipuzkoako Bertsolari Txapelketako lehenengo fasea. Zumarraga-Urretxun egingo dira azkeneko saioak, Zelai Arizti aretoan.
Honako bertsolari hauek ariko dira kantuan. Goizean, 11:30etan: Mikel Artola (261,5 puntu), Gorka Azkarate (286 puntu), Manex Mantxola (243 puntu), Ane Labaka (272,5 puntu), Asier Azpiroz (280,5 puntu) eta Oier Aizpurua (280 puntu).
Arratsaldean, berriz, 17:30etan hasiko da saioa Julen Agirreburualde (246 puntu), Endika Igartzabal (298,5 puntu), Josu Oiartzabal Xamoa (297,5 puntu), Oier Arantzabal (268 puntu), Adur Gorostidi (315,5 puntu) eta Julen Agirre (311,5 puntu) bertsolariekin.
Bi saioetan Inazio Usarralde ariko da gai-jartzaile lanetan.
Lehenengo fase honetatik 32 sailkatuko dira udazkeneko fasera. Lehenengo bostak hauek dira oraingoz: Agin Rezola (668 puntu), Nahikari Gabilondo (637,5), Jokin Uranga (633,5), Alaia Martin (629) eta Iñigo Izagirre (623,5).
