ESZENA

“Fausto” antzezlana euskaraz, Donostian

Korrika Kulturalak Fausto antzezlanaren euskarazko bertsioa aurkeztuko du gaur, hilak 29, Donostiako Antzoki Zaharrean, 20:00etan. Galder Perezek zuzendutako obra Mikel Losada, Miriam K. Martxante, Lander Otaola eta Diego Perez aktoreek taularatuko dute.

Korrika Kulturalaren webgunean jasotzen denez, “Fausto antzerki-panfletoa, kontzertua eta deskontzertua, komedia, tragedia eta performancea da, betiere, C. Marloweren Fausto antzezlanean oinarrituta”.

Obra askotariko diziplina garaikideak uztartzen ditu: antzerkigintza, musika, diseinua, DJk, rap kultura… Elementu horien bidez, obrari kutsu urbanoa gehitu nahi izan diote. “Kutsu hiritarra gailentzen da antzezlanean, egunero zapaltzen dugun eta zapaltzen gaituen kaleetakoa, musika elektronikoa eta hip-hopa, testu klasiko eta kaletarrekin nahastuz”. Hala, emaitza dinamikoa da, bizia eta akzio handikoa.

Obraren helburua Faustoren mitoa gaurkotzea da: “Ez da inor salbu irteten. Denok bizi gara kartzelan batean preso; batzuetan sistema esaten diogu, besteetan gizartea, jendartea… Baina, finean, itotzen gaituen arrainontzi erraldoia baino ez da”.

Gaurko emanaldia, antzezlanaren euskarazko estreinaldia izango da.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ONARTU
Aviso de cookies
Tresna-barrara saltatu